అన్నివేళ్ళు కలిస్తేనే పిడికిలి అవుద్ది
చేయి చేయి కలిపితేనే బలం పెరుగుద్దీ
వెలుగుపంచినపుడే ప్రమిదకు విలువ
ప్రాణమున్నంత  వరకే మనిషికి విలువ
చావుకు తెగించి ఆగం కావద్దు,...
 మద్యల వదిలేసి దూరం పోవద్దు
కలిసి కొట్లాడుదాం- బతికి సాదించుకుందాం
జై తెలంగాణా!! జై జై తెలంగాణా!!

నా తెలంగాణ...
అమ్మ చేతి గోరుముద్ద నా తెలంగాణ
పల్లెపడుచు అమాయకత్వం నా తెలంగాణ
పచ్చడి మెతుకుల పౌరుషం నా తెలంగాణ
ఆడబిడ్డల చేతి రోకలిబండ నా తెలంగాణ
మకుటం లేని రాజదర్బార్ నా తెలంగాణ
మద్యతరగతి పెద్దరికం నా తెలంగాణ
సిరులు పొంగే బాగ్యలక్ష్మి నా తెలంగాణ
కడుపునింపిన అన్నపూర్ణ నా తెలంగాణ
దశాబ్దాల పట్టుదలకు ప్రతీక తెలంగాణ
మతసామరస్యానికి నిదర్శనం తెలంగాణ
దోపిడి గుండెలు వనికించిన విప్లవశంఖం తెలంగాణ
లెగదూడల మంద కదిలింది- అడవిదున్నల గుండె అదిరింది
జై తెలంగాణా!! జై జై తెలంగాణా!!

బానిస బతుకుల్లో చలనం వచ్చింది
చిల్లర నాయకుల్లో మార్పు తెచ్చింది
రాజ్యాంగ సంక్షోబానికి రాజినామాలతోనే నాంది!!

మళ్ళీ వంచనకు మోసపోవద్దురా
కపట నాటకాలకు తలలు వంచొద్దురా
మాట నిలుపుకుంటే మా భుజాలు మీ పల్లకీలురా
మరోసారి వంచిస్తే ... ఇక మీ తన్నులు తినే సరదా తీరుద్దిరా

పాలపొంగుల ఉద్యమాల కాలం పోయిందిరా
స్వరాజ్య కాంక్ష ఇంకా పెరుగుతూనే ఉందిరా
రావణ కాష్టానికి మన పట్టుదలే అగ్గిరా
జై తెలంగాణా!! జై జై తెలంగాణా!!